Кога децата ќе се разболат или имаат некоја скршеница, родителите треба да им пеат, затоа што нежното пеење ја ублажува болката, тврдат британските доктори... 



Лекарите им пееле приспивни песни на деца помали од три години, од кои некои чекале за трансплантација на срце, а истовремено им го мереле ритамот на срцето и перцепцијата на болката.

Нивните реакции подоцна ги споредиле со реакциите на две групи деца. На едните им читале приказни, а другите биле оставени сами на себе. Се утврдило дека кај малите на кои им се пеело приспивни песни е забележано намалување на болката и смирување на ритамот на срцето.

Еден од ко-авторите на истражувањето, професорот Дејвид Харгривс од Универзитетот Рихемптон рекол дека резултатите не само што го потврдиле она што родителите интуитивно го чувствуваат (дека приспивните ги смируваат децата), туку докажале и дека пеењето има психолошко влијание врз нив.

„Музикчката терапија е далеку поевтина од лекови за болка, а и двете се ефикасни“, рекол тој.