Социјалната мрежа My Space овие денови ги објави омилените песни на папата Benedict XVI...

Дознаваме дека папата освен најмногу што слуша црквена музика, ја сака и Shirley Bassey и покојниот рапер Tupac, што многумина изненади со тој факт. Повеќето од песните кои ги одбрал папата доаѓаат од албумот Music From The Vatican, но помеѓу нив се протнала и една песна од Tupac, во која се зборува за пушење крек, насилство на улиците и животот во сиромашни предградија, класична тема за американските рап сцени.

Исто така меѓу омилените е и песната "After The Rain" од Shirley Bassey и една од бендот Muse. Листата на песни на My Space ги доставил личниот претставник на папата и тесен соработник, отецот Giulio Neroni, инаку уметнички директор на ватиканската издавачката куќа "Мултимедија на светиот Павле". Neroni во јавноста е познат како продуцент на последниот албум на Alma Mater на кој се наоѓаат разни Грегоријански натпеви и молитви.