Американската актерка Шерон Стоун ја доби специјалната награда на Нобеловите лауреати за мир, која секоја година се доделува на заслужни хуманитарци и луѓе кои му помагаат на човештвото...

Таа ја доби наградата лично од рацете на Далај Лама. Актерката е наградена за борбата против ширењето на сидата. Свечената церемонија се одржа во зградата на Националната опера на Варшава.

"Кога почнав да се борам со СИДА-та во светот имаше 11 милиони болни. Никој не сакаше да ме слушне. Бројот на заболените постојано растеше, а вакцини и лекови немаше. Собраните пари од нашата фондација отидоа за развојот на лекови за сиромашните, кои немаат средства за лекување", изјави Шерон Стоун.

Наградата е воспоставена во 1999 година по иницијатива на Михаил Горбачов. Таа се доделува за време на годишната средба на добитниците на Нобеловата награда за мир. Нејзини носители се Шон Пен, Ени Ленокс, Боно, Џорџ Клуни, Дон Чијдел, Боб Гелдоф, Роберто Баџо, Питер Габриел, Кит Стивенс, Роберто Бенин.