Во Лос Анџелес се отвори ресторан во кој клиентите се хранат од тоалет чинии - концепт днесен од Азија...

Ресторанот се вика "магичен тоалет". Посетителите седат на вц школки, масите се со истата форма. Човек би се зачудил кој би го посетил овој ресторан, но официјалното отворање на крајот на минатата недела беше спектакуларен успех.

"Во текот на викендот имавме страшно многу клиенти. Немаше места за сите и некои чекаа во холот", вели келнерот Даниел Чуен.

"Идејата е од Тајван. Храната која ја сервираме, е типична тајванската храна, како што се тестенини со говедско".

Тоалетната тема е присутна и во менито, во кое се забележуваат јадења како "црно ако" (чоколадна мелба), "со мирис на ако" (свинска чорба со ориз), "гадост број два" (ванила сладолед со јагоди). Воопшто, тоалетната тема е подигната во нешто како гурмански култ.

Сите клиенти се фасцинирани од оригиналноста, храната и услугите.

"Го служат моето омилено пилешко во уринатор и ракчиња со ориз во минијатурна тоалет чинија. Глупаво е, но е откачено. А и храната е супер", изјави Денијз Елиас, клиентка.

Не сите во САД ја споделуваат радоста на клиентите како Елиас. "Вашингтон пост" и други весници се поиграа со "Магичниот тоалет". "Какво гадно име за ресторан. За останатото - да не спомнуваме!", напиша Силија Уатавара.