Совет за децата да стојат подалеку од компјутерите, смартфоните и друштвените мрежи доаѓа од личност од која најмалку би очекувале - сестрата на основачот на Фејсбук, Ренди Цукерберг...

Ренди ќе објави книга до наслов "Dot" во почетокот на ноември. Главниот лик е девојче во фустанче која открива колку светот надвор од дома може да биде поинересен од нејзиниот таблет уред.

"Животот е малку поинтересен кога ќе го подигнеш погледот од мониторот", пишува Цукерберг.

"Додека го гледам своето 2-годишно дете како ја открива технологијата, сигурна сум во важноста на оваа порака која сакам да ја споделам со децата и нивните родители".

Покрај книгата објавено е видео во кое девојчето открива "офлајн" свет - играње во природа, сликање на вистинско платно, шетање на кучето и други активности.

Цукерберг ја напушти компанијата Фејсбук во 2011 година, каде работеше на местото директорка за развој на пазарот. Од тогаш, веројатно нејзината воодушевеност од онлајн друштвените мрежи константно опаѓа.