Во близина на вулканот Лулаилако, на границата помеѓу Аргентина и Чиле, аргентинско-перуанската експедиција открила мумија - совршено зачувано тело на 15-годишно девојче...



Девојчето било мртво 500 години. Според Инките, таа била избрана да оди да живее со боговите, меѓутоа, вистинската приказна е дека била жртвувана во име на религијата.

Научниците велат дека нејзините органи се зачувани до тој степен што се гледаат дури и траги од инфекција на белите дробови, што укажува дека имала болест слична на туберкулоза. Девојката изгледа како да умрела пред 15 дена. Врз основа на примерок од влакно од косата успеале да ја утврдат нејзината исхрана непосредно пред смртта, од што заклучиле дека Инките ги троват своите деца пред да ги убијат.



За разлика од другите култури, Инките не принесувале жртви за да ги задоволат боговите, туку за да живеат децата во рајот. Инките им ги принесувале децата на боговите како жртви, бидејќи мислеле дека децата се "најчисти" суштества. Неколку месеци пред да се жртвуваат, децата биле подложни на специјална исхрана од пченка и животински протеини. Ваквата исхрана била својствена за тогашната елита.