Како што постои мислењето дека мажите зборуваат само за други жени, така постои и тоа дека жените само озборуваат. Но, иако е вистина дека жените озборуваат и тоа го прават на секое дружење, тотална глупост е дека го прават само тоа, особено ако земеме во предвид дека женското кафе трае многу подолго отколку машкото одење на пиво...

1.Ги озборуваат мажите
Драги мажи, колку и да ви одат жените на нерви, толку и вие им одите ним. Колку вам ве нервира потребата за романтика, разговори и слично, толку на жените ги нервира вашата емоционална "хендикепираност" и тоа што многу често не сфаќата колку можете да ги повредите, а на тоа воглавно прво им се жалат на пријателките. Кога и тие ќе потврдат дека се во право, мажите ги очекува повик со она "може ли да се најдаме да зборуваме". Колку и да звучи лошо, полесно е кога жените знаат дека секоја од нив дома се бори со слични проблеми, а размената на искуства за нив е непроценлива.

2.Секс
Женските разговори за секс се многу покреативни од машките. Жените сакаат да прераскажуваат детали и што се однесува по тоа прашање се многу полоши од мажите. Ако мажите ги мачи прашањето "што нејзините пријателки знаат за вас и вашиот...?", бидете сигурни дека знаат се. Секако, станува збор само за блиски пријателки, не оние со кои пијат кафе на пауза од предавање или колешки од работа.

3.Мода и козметика
Секоја жена знае за ова тема нешто што другата не знае. Каде има да се купи нешто, каде почнале распродажбите, кој производ е добар за лице, а кој за коса и така до утре.

4.Договори
Мажите за излегување се договараат со еден телефонски разговор. Жените за тоа се договараат со денови. Кој ќе излегува, каде ќе одат, што ќе облечат, ќе резервираат ли маса, каде ќе одат пред излегување, а после излегувањето зборуваат за тоа како си поминале.