Сакате да се чувствувате будни, фокусирани и со наполнети батерии цел ден? Еве неколку совети за борба против замор...

Наспијте се квалитетно
Сонот е еден од најважните фактори за оптимална колични на енергија. Пред да почнете било што да планирате, обезбедете си доволен сон. За најдобро да функционирате, внимавајте секој ден да одите на спиење во исто време. За организмот полестно да се увери дека е време за спиење, изгаснете ги светлата и спуштете ги ролетните. Наутро штом се разбудите пуштете многу светлина во просторијата. За здрав утрински наплив на енергија можете да отидете на прошетка или да доручкувате на прозорот или балконот за да вдишете свеж воздуг.

Попладневно кафе
Наместо наутро, кога за будење ви треба само прошетка или некои други активности, оставете го кафето за попладне. Докажано е дека нивото на енергија со кое рапсолагаме е на најниско ниво три часа после пладне. Порција кофеин многу повеќе ќе ви користи во попладневните часови. Сепак, внимавајте кафето да не го пиете предоцна за да не ви го поремети сонот.

Пуштете си енергична музика
Ако се чувствувате преуморни за некоја обврска или активност, пуштете си енергична музика од која ќе се чувствувате живо. Ставете ги слушалките ако сте на работа и разбудете со музика. Неодамнешно јапонско истражување покажало дека луѓето кои вежбале 30 минути на омилената музика верувале дека вежбале многу помалку, односно, времето им поминало многу бргу, а вежбата ја поднеле полесно.