Налепници на кои пишува "Ова е добро место за бакнување", осамнаа на различни места ширум светот...

Едноставни, но интересни пораки кои можат да се видат во многу светски градови, се дел од романтичниот чекор на уметничката група 0707 од Италија.

Налепниците со овие пораки, се наменети за парови и последниве месеци "никнат" во различни краеви на светот, а залепени се на мостови, клупи, споменици па дури и на автомобили.

До сега како добри места за бакнување се обележани Њујорк, Лондон, Сиднеј, Рим, Париз и Будимпешта.

Во изборот на места на кои ќе се најдат налепниците, како и во самата акција на лепење не учествува само групата, туку сите оние кои од оваа група на Фејсбук ќе побараат да им пратат налепници.