Една реклама од 30-тина секунди на одличен начин успеала да покаже колку сме опседнати со своите мобилни...

Се работи за реклама, во која млад пар оди на идилично патување со автомобил низ сончевата Калифорнија. Но, идиличното патување се претвора во меѓусебно игнорирање. За жал, парот од рекламата е верен приказ на повеќето луѓе денес, па дури и на годишните одмори. Едно американско истражување покажа дека речиси седум од десет луѓе се плашат да се одвојат од својот мобилен телефон, а просечен корисник го проверува својот уред на секои 6,5 минути и тоа до 150 пати на ден.

Технологијата е причина зошто се помалку луѓе се гледаат во очи додека разговараат, што може да резултира со намалена емоционална поврзаност. "Погледот, исто како и допирот, може да биде од посебно значење во денешниот свет полн со делумно внимание. Тој и пренесува чувства на другата личност дека ни е важна",пишува Huffington Post.