Денес е Светски ден на храната. Тој се одбележува со одлука на Организацијата на ОН за храна и земјоделство (ФАО) на денот на нејзиното создавање - 16 октомври 1945...

Над една милијарда луѓе во светот страдаат од неухранетост, што сочинуваат 15% или 1/6 од целото човештво. Оваа бројка расте поради храната и финансиската криза. Затоа несигурноста на храната претставува реална закана, која ќе оневозможи постигнување на сите цели на Милениумските развои за искоренување на екстремната сиромаштија до 2015 година.

Безбедноста на храната, земјоделството и руралниот развој заземаат централно место во помош на Европската унија за земјите во развој, така што ЕУ обезбедува брза и голема поддршка за справување со зголемениот број на гладни во светот. Учеството на Европската унија во овогодинешната иницијатива за безбедност на светската храна од Аквила е конкретен резултат од тоа. ЕУ ќе обезбеди 2,7 милијарди евра за оваа иницијатива, и на тој начин ќе стане најголем учесник во финансирањето. Веќе се исплатени 85% од сумата од 1 милијарда евра од Инструментот за храна , што го докажува постојаниот и силен ангажман на Европската унија за подобрување на условите за живот на најсиромашните во светот и факт дека ЕУ ги исполнува своите ветувања.

Од започнувањето на Инструментот за храна, во висина од 1 милијарда евра, во декември 2008 доделената помош за него достигна повеќе од 33 милиони луѓе преку почетните тековни проекти и првите резултати се веќе достапни. Во Зимбабве, на пример , беа обезбедени 26 000 тони семе и ѓубриво, кои ќе бидат дадени на 176 000 ранливи земјоделци кои претставуваат помеѓу 10 и 15% од земјоделците кои работат во колективи во земјата. Оваа заедничка активност на Европската унија и Организацијата на ОН за храна и земјоделство (ФАО) има потенцијал да го дуплира традиционалното производство на храна.