Парфемот за почеток мора да го носите на адекватни места, на зглобовите, за уво, на бочните страни од вратот и внатрешните страни на лактите...

1.Парфемот задолжително држете го далеку од светлина, затоа што така ќе ги задржи своите хемиски својства и подолго ќе остане непроменет. Најдобро е да го чувате во оригиналната амбалажа во ладилник или ормарче, само не во купатило, затоа што влагата може да му наштети.

2.Нанесте парфем директно на кожата и тоа на одредени точки од телото, каде можете да го почувствувате неговото опојно ширење. Парфемот по правило се носи на пулсните зони, односно точките на телото на кои можете да го почувствувате пулсот. На тој начин мирисот ќе се шири со секое отчукување на вашето срце.

3.Многумина после нанесувањето на парфем го протријуваат местото, не знаејќи дека на тој начин ги кршат молекулите на парфемот и го уништуваат самиот мирис. Парфемот треба да се прсне и да се остави сам да ја одработи својата магија.

4.Уште една тајна како совршениот мирис подолго да се задржи на вашето тело е ако ставите малку маслиново масло или вазелин како подлога на местото каде мислите да нанесете парфем. Причината за тоа е што маснотијата подолго ги задржува мирисите па така ќе биде и со вашата кожа.