Жените ja менуваат фризурата во просек околу 36 пати во својот живот, покажа истражување на сајтот Fabriah.com...

Во него учествувале 560 жени на возраст меѓу 18 и 65 години, кои требало да одговараат на прашањето што точно правеле со косата и колку често.
Излегува дека само 6% од претставничките на понежниот пол се придржуваат кон истата фризура во текот на целиот живот.

Останатите се подготвени да експериментираат многу со својата коса. 41% од жените признале дека ја менуваат фризурата на секои две години, а 19% ја менуваат секоја година.

4% од испитаниците изјавиле дека се појавуваат со нова фризура на секои шест месеци. 48% од жените преферираат косата им да биде со должина до рамена, а речиси 1/4 се чувствуваат најдобро со должина до брадата. 6% носат кратко сечена коса.

Повеќето од жените не се срамат да експериментираат и со бојата на косата.

"Со бојата сум малку непостојана - во зима ми се допаѓаат топли богати бои, а во текот на топлите месеци сакам доста светли нијанси", рекла една од анкетираните дами.