Ден Прајс пред 20 години имал добро платена работа и семејство, но еден ден одлучил се да промени и да ја напушти цивилизацијата...

Денес живее во куќичка под пасиште во Орегон која малку наликува на живеалиште на хобит, но тврди дека никогаш во животот не бил посреќен.

"Кога од животот ќе го исфрлите материјалното и сте подготвени да живеете со помалку, всушност сте добиле повеќе", рекол Прајс за NBC.

Прајс пред 20 години работел како фоторепортер и ги издржувал сопругата и своите две деца, но се се променило во 1974 година кога, тогаш 33- годишниот Прајс ја прочитал книгата  "Payne Hollow" од Харлан Хубард кој го отфрла современиот и го прифаќа примитивниот начин на живот. Одлучил да го напушти семејството и цивилицацијата.

Задоволен е со својот начин на живот и тврди дека има се што му е потребнo. Има струја, место за спиење, но и модерни играчки како iPad и MacBook Air.

Се издржува од повремени работи и објави во магазинот "Moonlight Chronicles", а ја напишал и книгата "My Tiny House". Годишно заработува околу 5000 долари, а тоа, како што тврди, му е повеќе од доволно за основните животни потреби и повременото одење на Хаваите каде ја поминува зимата.

"Не верувам во куќи и хипотеки. Зошто некој би го поминал животот плаќајќи куќа во која едвај минува време затоа што постојано работи", рекол Прајс.