Постои формула по која е можно да се пресмета како да остварите квалитетен сон. Неа ја откриле научниците од британскиот Универзитет Манчестер, а таа гласи: квалитетен сон = ((замор х спиење) + удобност на душекот) / (број на часови во будна состојба + бучава + светло + (температура + дебелина на прекривачот))...

Замор: Пресметајте го бројот на часовите од последната преспиена ноќ, одземете го бројот на часови кои сте ги поминале дремајќи и додајте го бројот на часови кои сте ги поминале вежбајќи тој ден.

Спиење: Бројот на часови колку сте спиеле синоќа поделете го со просечниот број на часови за сон.

Удобност: собери ја удобноста на перницата, душекот и постелнината (со оценки од 1 до 5) и одземај девет.

Просечен број на будни часови: соберете ги часовите во текот на денот кои ги поминувате во будна состојба.

Звуци: Звуците кои ве вознемируваат означете ги со со броеви од 1 до 5.

Светло: Исто така направете и со светлото во собата - 0.1 означува најнизок одблесок, а два интензивно светло.

Температура: Соберете ги Целзиусовите степени во собата и поделете ги со 10.

Прекривка: Соберете ги поените од прекривката, така што со 0 поени ќе ја означите онаа која совршено одговара на собната температура, а онаа која најмалку одговара со 3 поени.

Откако ќе соберете се: 2 поени означува квалитетен сон, 1 просечен, а 0 многу лош квалитет.

Квалитетниот сон се состои и од станување секое утро во приближно исто време, вежбање и избегнување на попладневно спиење. идеалната температура е околу 16-17 степени Целзиусови, додека прекривката треба да биде воздушна и да не задржува влага.