Хотелот "Interkontinental" во Прага има 30.000 нови работници, колку што се проценува дека има пчели во кошниците на кровот од луксузниот хотел со пет ѕвезди кој се наоѓа во центарот на чешката престолнина...

Пчелите на крововите од хотелите во светот не се нова појава - со нив се гордеат хотелите во Њујорк и Варшава.

"Тој проект е долгорочна работа. Медот добиен од кошниците првенствено ќе се користи за доручекот на гостите во хотелот", рекла портпаролот на хотелот Петра Каздова.

Се започна со три кошници пчели од видот Сингер, кои се прилагодени на градот и даваат добар принос на мед. Во секоја кошница има 10.000 до 15.000 пчели работнички, а првиот мед се очекува во мај следната година.

Тие може да летаат по нектар до цвеќињата кои се оддалечени до 5 км. тврди пчеларот Аугустин Увачик, кој заедно со шефот на кујната Мирослав Кубек е задолжен за кошниците на кровот од хотелот.

Пчелите летат 30 до 50 метри над земјата. Од хотелот кој се наоѓа во историскиот ценар Praga Stare Mnjesto, летат од работ на зградата, но најмногу ги сакаат дворовите и парковите во близина каде цветаат многу различни растенија и дрвја, меѓу кои ги има и оние од далечните краишта, објаснува Увачик.

Пчелите во текот на годината собираат повеќе од 150 кг. мед, а за пчеларите останува само 10% од таа количина. Повеќето пчелите го користат за исхана на своето потомство, зимска залиха и летна работа.

Покрај овој хотел во Чешка, своја "кошница" има и аеродормот Рузије, во Прага.