Тие меѓусебно си позајмуваат гардероба, разговараат за тоа колку калории примиле, уживаат во озборувањето...Дали тоа се причините поради кои голем број жени повеќе сакаат да минуваат време со другарките, отколку со партнерот?...

Резултатите од последното истражување откриле дека дури четири од десет жени повеќе уживаат и се забавуваат во друштво на другарките, отколку во друштво на партнерот.

Речиси половина од учесничките во оваа студија сметаат дека жените се подобро друштво од мажите, затоа што со другарките може да озборуваат, да шетаат по продавници и да уживаат во сите оние мали "женски работи".

Третина од дамите кои учествувале во студијата сметаат дека е многу полесно кога разговарате со другарка за некоја сериозна тема, а четвртина од нив сметаат дека единствено пријателките можат да ги разберат и дека само тие добро ги познаваат.

Од друга страна, некои дами најмногу сакаат слободното време да го минуваат сами, без другарки и партнер. Како објаснување на желбата зошто сакаат да бидат "осамени", некои од испитаничките навеле дека единствено така може да уживаат во мирот и тишината, како и дека тоа е единствениот начин да го гледаат она што го сакат на телевизија, а никој да не ги вознемирува.

Резултатите од истражувањето покажале дека просечната жена има час време и 14 минути слободно време во текот една седмица, поради што не е чудно што 77% од нив сакаат малку да бидат сами.