„Доброто со добро се враќа“, но не и во овој случај, во кој неименуваниот Американец (24) од Флорида речиси ќе загинел...

Момчето што се возело со автомобилот на неговиот пријател, здогледало една желка на среде автопат. Го запреле автомобилот, момчето излегло од автомобилот. Излегол да ја спаси желката од автопатот, па кога ја одвел на безбедно место да ја пуштил спокојно да си го продолжи патот, го каснала отровна змија.

„Кога ја спуштил желката во тревата, го каснала змија. Раката веднаш му се поддула. Се вратил во автомобилот, а пријателот веднаш го однел во болница, каде лекарите утврдиле дека е каснат од дијамантска ѕвечарка, една од најотровните змии во Северна Америка“, објавиле американските медиуми.

Според нивните изјави, на младиот човек му вбризгале против-отров. Ќе треба да прими уште неколку дози, а неговиот живот за среќа не е во опасност.