Не е тајна дека многу дами сакаат да поминуваат време шетајќи низ продавниците и купувајќи разни парчиња, но последното истражување покажа дека ниту момците не се "имуни" на уживањето кое го пружа шопингот...

Иако многу мажи често велат дека едноставно не можат да сфатат зошто жените толку сакаат да купуваат, британско истражување покажа дека тие гардеробата ја купуваат во просек дури два или три пати седмично.

Момците можеби купуваат поретко отколку дамите, но кога го прават тоа, воглавно обрнуваат внимание на квалитетот, а не на квантитетот. Во прилог на тоа зборува и фактот дека 41% од испитаниците во анкетата изјавиле дека сакаат да трошат пари на помал број скапи работи, наместо на куп ефтини и непотребни.

Дали некој бренд е познат или не, важно им е на дури 60% од мажите кои врз основа на тоа донесуваат одлука за купување, додека нешто помал број од дамите, околу 40%, обрнуваат внимание на марката.

Сепак, изгледа дека мажите се поодлучни од жените кога станува збор за купување. Додека дамите ќе пробат десетици различни парчиња, ќе се огледуваат по неколку минути и долго ќе размислуваат за тоа како одредено парче им стои, дури 59% од мажите би се одлучиле дали нешто ќе купат уште при првите неколку минути од влегувањето во продавницата.