Бременоста е нешто прекрасно и секоја жена сонува да ја доживее. Таа сепак со себе носи многу нови искуства, од кои не сите се задолжително пријатни...

Една од причините е драстичната хормонална промена. Друга причина е промената во крвотокот. Тоа може да доведе до чувствителност на градите, кои неизбежно се зголемуваат за време на бременоста. Затоа бремената жена треба да си набави нови градници.

За среќа во денешни денови има специјални градници за бремени, прилагодени на спецификите на телото во овој период од животот на жената. Повеќето градници за бремени се погодни и за периодот по раѓањето, така што дозволуваат мирно доење. Несоодветниот градник, од друга страна, може да предизвика болки во грбот, градите и дури диспнеа, односно недостиг од воздух.

Ви нудиме неколку совети како да изберете соодветен градник за бремени:

- Должината на обиколката треба да може да се регулира, за да можете да го пуштите кога сакате.

- Широките ремени се попогодни за натежнате гради.
- Избегнувајте чипка и врвки, бидејќи спонтаното течење на млекото ќе ве натера често да ги перете градниците.

- Исто така избегнувајте градници со метална жица, бидејќи во еден момент тие ќе почнат да ви создават непријатности.

- Проверете дали делот, со кои се отвора корпата при доење, се откачува и закачува лесно.

- Пробајте градник, за да видите дали корпите ви стојат добро.

- Сепак купете си градник, со кој ќе се чувствувате како привлечна жена, а не како доилка.