Колку и да звучи чудно и бесмислено, во Њујорк се случи токму тоа - украдоа цела куќа...
Полицијата во Њујорк започна да бара непознатите лица кои ја зеле мобилната конструкција. Таа е широка шест метри и долга 21 метар, но еден ден едноставно исчезнала од паркингот во Хемптон, кој е наменет за таков тип подвижни домови.
Во моментот на кражбата немало никој во куќата. Сведок раскажува дека видел како градбата била крената со камион. Подвижниот дом е во вредност од 50 000 долари, а полицијата објави награда од 2.500 долари за секој кој ќе даде точни информации за сторителот.
