Американски психолози тврдат дека клучот за семејната среќа е кодиран во нашата ДНК. Тие сметаат дека генот учествува во регулирањето на "хормонот на среќата" серотонин, кој претскажува до кој степен нашите емоции се одраз на нашата врска...

Истражувањето на Калифорнискиот универзитет и Соединетите Американски Држави е првото што ја поврзува генетиката, емоциите и задоволството од бракот, велат научниците. Тие пронашле врска помеѓу задоволството од врската и алелот 5 HTTLPR. Сите луѓе наследуваат копија на овој алел од секој родител.

Учесниците во истражувањето со два кратки алела 5 HTTLPR се покажале најнесреќни во бракот, кога во него имало многу негативни емоции како лутина и презир, и најсреќни кога имало позитивни чувства како хумор и љубов. За сметка на тоа, учесниците со еден или два долги алели се возбудуваат многу помалку од емоциите во брак.

Новото истражување не значи дека двојките со различни варијации на 5 - HTTLPR се некомпатибилни, истакнуваат истражувачите. Тоа покажа дека паровите со два кратки алели е поверојатно да напредува во добра врска и да страдаат во лоша.

За целите на истражувањето учесниците дале примероци од ДНК и во лабораториски услови научниците ги поврзале нивните гени со задоволство во бракот и емоционалната содржина на нивните интеракции. За сопружниците со два кратки 5 HTTLPR алели кои сочинувале 17 % од испитаните мажи, тие откриле силна врска помеѓу емоционалниот тон на нивните разговори и начинот на кој се чувствуваат во брак.