Основачот на Мајкрософт Бил Гејтс ќе пренасочи дел од богатството во храната од иднината, така што ќе инвестира во компанија за производство на "лажно месо"...

Според извори Бил Гејтс инвестирал непозната сума на пари во компанијата "Beyond Meat", која се занимава со производство на храна од растително потекло кои според видот и вкусот личат на месо од животинско потекло. Според милијардерот компанијата ќе го промени целосно начинот на кој живееме.

"Beyond Meat" произведува различни видови на производи од "лажна кокошка" со различни вкусови. Многумина тврдат дека при конзумацијата на тоа измислено месо не можете да ја најдете разликата со вистинското.

Освен новиот инвеститор Гејтс, зад проектот стојат и други гиганти како основачите на Твитер Еван Вилијамс и Биз Стоун. Се очекува компанијата да започне да ги дистрибуира своите производи во Америка до крајот на годината.