Храната станува помалку вкусна, ако се гледаат многу слики од неа, пишува во написот објавен во Journal of Consumer Psychology...

"Во одреден степен вие се изморувате од вкусот на храната, дури и без да ја пробате. Ова е сензорен замор, поради која веќе не сакате да ја вкусите привлечната храна" , појасни еден од авторите Рајан Елдор од Универзитетот Бригама Јанга во САД.

Тој и неговиот колега Џеф Ларсон собрале 232 волонтери кои гледале слики на храна. Половина гледала 60 слики на слатка храна и производи како колачи, бонбони, чоколади, а другата половина исто толку фотографии, но на солена храна - чипсови, пржени компири и други.

Потоа сите учесници требаше да го оценат вкусот на кикирики. Научниците утврдиле дека тие не се покажале толку вкусни кај учесниците кои гледале слики на солена храна - иако меѓу сликите немало кикирики.

Гледањето на многу слики може да го  убие апетитот, предупредуваат научниците. Во исто време овој пристап може да ви помогне ако сакате да се воздржите од одредени видови храна.