Колумбискиот град Туна се стреми да го собори светскиот рекорд за пиење кафе...



За таа намена на плоштад се собрале 13.800 луѓе, кои истовремено пиеле кафе.

Масовното пиење кафе го организирале локалните власти на источната провинција Бојака и Националната асоцијација на производители на кафе во земјата која произведува едно од најдобрите видови на кафе во светот.

Организаторите велат дека му испратиле податоци на Гинис за ова случување во главниот град на провинцијата, пишува Ројтерс.

Најголемата "кафе-забава" досега, била организирана во Југендпарк во Келн, август 2009 година, на која присуствувале 8.162 луѓе.

Потрошувачката на кафе во Колумбија по глава на жител е помала за над 50% од потрошувачката на кафе во САД, а околу четири пати помала од потрошувачката на кафе во Скандинавија.