Дерек Ненси од Кентаки во последните пет години јаде само сурово месо...



Тој тврди дека поради болеста станал зависен од крвави животински црева. Забите ги чисти со животински масти и сака да биде месар. Вели дека не се гади од сурово месо и дека вкусот му е подобар од варено или печено.

Пред шест години се разболувал од сè што јадел. Лекарите мислеле дека има алергија од храна. Но, Ненси сам пронашол начин да се исхранува без лоши последици. Најпрво ги исфрлил житарките од исхраната, потоа млечните производи, а кога ниту тоа не му помогнало, станал вегетаријанец. За жал, ниту тоа немало ефект, а потоа тој се сетил на негов познаник, кој имал исти симптоми, и му ја предложил диетата "пештерски човек".

„Ми беше толку лошо, што бев подготвен да се обидам со било што. Имав неколку кози во дворот кои ги молзев. Ми досадија, па ги заклав. Ги изедов и двете кози, со сурово месо“, вели Дерек. Првиот пат имал дијареја, но подоцна неговото тело ја прифатило ова бизарна диета, а младиот човек после три недели се навлекол на ваков начин на живот.

„Почувствував како низ грлото ми влегува крв, како и нејзиниот силен вкус, сега имам силна желба за тоа“, објаснува Дерек, кој сега ги подучува другите за својата диета.

Неговата девојка Џоана е вегетаријанка, но го сфаќа неговиот порив за сурово месо.

„Органите и крвта се одличен извор на витамин Ц“, вели Дерек, кој најчесто пие крв од јагне.