Американскиот онлајн портал "List25.com" неодамна ја прогласи Виена за најдобар град за живот на младите луѓе...

Образложението на редакцијата за Виена гласело: "Градот на соништата" или "Градот на музиката" нуди речиси се за што младите луѓе во еден град копнеат. Историјата на Виена, културата, екологијата и едноставно фактот дека Виена е град со најдобар квалитет на живот, му го донесе првото место.

Повеќе од четвртина од вкупното население во Виена се помлади од 26 години. Само на оваа група на жители им се посветени 1000 вработени во гратските служби.

"За сервисните услуги за младите градот годишно издвојува 40 милиони евра", вели член на градскиот совет на Виена за млади, Кристијан Оксонич.

На второ место се наоѓа Њујорк, а меѓу првите десет градови се наоѓаат уште Малта, Мелбурн, Салвадор, Дубаи, Ванкувер, Прага, Единбург и Париз.