Нов уникатен мирис кај парфемите си постави тешка задача, да го врати во мода мирисот на леб...

Парфемот е наречен Eau de Toast и е создаден од англиската Федерација на пекарите, соопштија на официјалниот сајт - bakersfederation.org.uk.
Мирисот е во ограничена серија и е претставен ексклузивно на Лондонската модна недела.

Со Eau de Toast креаторите сакаат да ја оспорат модата на диетите кои препорачуваат да не се јаде леб и да ги потсетат на жените кои не доручкуваат, што всушност пропуштаат.

Малку примероци од парфемот беа пуштени во продажба онлајн, но веднаш беа распродадени.

Од Федерацијата шеговито коментираат дека ако не сте имале среќа да набавите ексклузивно шишенце, зошто едноставно не си го креирате истиот мирис дома, така што ќе запечете едно парче леб во тостер.