Експерти од аквариум во Лас Вегас велат дека по неколку-годишно експериментирање, заклучиле дека делфините најмногу реагираат на музиката од британскиот бенд „Radiohead“...

„На делфините навистина им се допаѓа „Radiohead“, особено песната „Lotus Flower“. Кога ќе ја пуштам се вртат постојано по должината на ѕидовите и нивната игра и скокови стануваат повеќе темпераментни. Кога ќе ги погледнете, ви станува јасно дека се среќни“, вели инструкторот Вилоу Вити. Тој додава дека после успехот со песните на Том Јорк сите од екипата почнале да им пуштаат музика на делфините од стотици различни уметници. Од ова сфатиле дека овие интелигентни морски цицачи имаат навистина префинет вкус.

Ги сакаат и "Битлси", "Пинк Флојд", "Сигур Рос", и други. Тори Колинс од Фондацијата "Дивите делфини" смета дека љубовта на делфините према групата „Radiohead“ има научно објаснување.

„Ударните инструменти, кои се доминантни во одредени песни на „Radiohead“ предизвикуваат најмногу реакција кај делфините, но, генерално не им се допаѓа премногу рок музика, а најмногу ги нервира џез, додека класичната и кантри музика ги релаксира“, заклучил Колинс.