Џефри Ходли добил необична судска забрана, по грабежот во кој учествувал во декември минатата година...



Поради соучесништво во грабеж на продавница за автомобилски делови, тој ја признал вината, а судијата Марк Џонсон му изрекол парична казна од 1.800 долари и 3 години условна казна. Било потенцирано дека за време на условната казна не смее да „создава значајни односи со личности од понежниот пол“.

Иако само соучесникот на Ходли го извршил грабежот, а тој се откажал во последен момент, сепак бил ставен на обвинителна клупа.

Судот ја одредил оваа необична забрана од причина што Ходли (21) "нема морален компас", и дека треба периодот на условната казна треба да го „искористи да се посвети на самиот себе".

Ако го прекрши тој услов, му следуваат 120 дена затвор.