Островот Гајола (Isola Della Gaiola на италијански) се наоѓа во Заливот на Неапол во Италија, на околу 30 метри од брегот. Лоциран е право во срцето на Gaiola Underwater Park - заштитена област од околу 42 хектари...

Островот се состои од две мали парчиња земја, меѓусебно поврзани со мал мост од неколку метри. Тој е толку тесен што изгледа како природен свод, направен од природата, за да ги држи двете островчиња заедно.

Иако вилата, која е изградена врз едно од нив, изгледа многу атрактивно место за живот, според локалните жители местото е проколнато. Практиката покажува дека или нејзините сопственици ја наоѓаат смрт тука, или во нивните животи се случуваат ужасни несреќи.

Сето тоа почнува околу 1920 година, кога тогашниот сопственик Ханс Браун е пронајден убиен и спакуван во тепих. Малку подоцна неговата сопруга ја наоѓа смрт во морето. Следниот сопственик на вилата е Ото Грундбах кој умира од срцев удар на островот.

Слична судбина го наоѓа и фармацевтскиот бос Морис Сандоз, кој се самоубива во психијатриска клиника во Швајцарија. Германскиот индустријалец Барон Лангхейм пак се разболува откако ја купува Gaiola. Тогаш тој преминува во рацете на Џани Анел, шеф на Fiat. Италијанецот го продава островот, откако неговиот единствен син се самоубива, а внукот му умира од рак на 33 години.

Островот го купува милиардерот Пол Гети, чијшто внук е киднапиран малку подоцна. Последниот сопственик пак оди во затвор по банкротот на осигурителната му компанија. Денес вилата е ненаселена и напуштена.