Бенџамин Сера Бош (25) стана глас на "изгубената генерација" во Шпанија, затоа што неговата приказна предизвика вистинска „бура“...

Работи како хигиеничар во тоалет во лондонско кафуле, иако завршил три факултети. Со овие податоци предизвикал голем број на реакции на интернет.

Бенџамин собрал илјадници следбеници на социјалните мрежи. Неговиот статус Фејсбук профилот бил: "Дипломирав со висок просек на два факултета, а сега чистам ср**е во странска земја".

На Твитер напишал: "Работам во познат синџир на кафулиња во Лондон. По 5 месеци работа, денес за прв пат се прашувам себеси: `Чистам тоалети. Бев одличен студент на два факултета, а сега чистам туѓи ср**а во земја која не е моја. Аха, да, подготвувам и кафе, чистам маси и мијам чаши`“.

Бенџамин од Валенсија, вели дека сепак не се срами од својата работа, иако дипломирал новинарство и маркетинг за односи со јавноста на престижниот приватен универзитет Карденал Хереро. Освен тоа, има и мастер од администрациски менаџмент.

„Не се срамам од тоа што го работам. Чистењето е чесна работа. Тешко ми е што го работам ова, бидејќи во Шпанија никој не ми даде шанса. И, да нема никакви недоразбирања, младите не доаѓаат овде за да научат јазик, да имаат авантури и да стекнат нови искуства. Ние сме вистински мигранти. Мислев дека заслужувам подобро после толку учење за испити и студирање. Очигледно е дека грешам“, рекол искрено Бенџамин.