...доручекот би требало да биде вашиот најдобар оброк во текот на денот, тврдат научниците. Резултатите од студијата спроведена на Универзитетот во Еерусалим, откриле дека обилниот и "јак" утрински оброк може да им помогне на жените со синдромот на полицистични јајници да забременат...

Внесувањето на поголем број калории наутро, го регулира инсулинот, нивото на тестостерон и други хормони кои може да имаат негативни ефекти на обидите за зачнување.

Резултатите од студијата откриле дека нивото на гликоза и инсулин се намалува за 8% кај оние жени чиј наобилен оброк во текот на денот е токму оној првиот, наутро, додека промените не се забележани кај оние чиј наобилен оброк е вечерата.

Просечниот дневен внес на калории кај жените е околу 1.800 а научниците сметаат дека жените со синдром на полицистични јајници за доручек би требало да внесат половина од тие калории, односно околу 980.

Здравиот, јак доручек ја стимулира овулацијата на жената, тврдат научниците. "Истражувањето јасно покажало дека од количината на калории кои ги внесуваме во текот на денот, поважно е времето кога ги внесуваме", рекол водичот на истражувањето, професор Орен Фрој.

Синдромот на полицистични јајници, освен што влијае на репродуктивноста кај 6-10% од жените, создава отпорност на инсулин, го зголемува нивото на машки хормони кај жената, предизвикува нерегуларност во менструалниот циклус и губење на косата.

Друга студија покажала дека нивото на тестостерон кај мажите кај кои доручекот е "главен" оброк, опаѓа за речиси 50%, додека кај оние кои обилно вечераат, нивото останува непроменето.