Посетители на јужнокорејската зоолошка градина се радуваат на двете новородени бели лавчиња, кои станаа дел од семејството на 28 август...

Малите биле родени во зоолошката градина "Lost Valley" во предградието на главниот град Сеул. Белата кожа на малите потекнува од ретка мутација на овој вид. Службеници од зоолошката градина велат дека во светот има други околу 300 бели лавови. Во зоолошката градина живеат вкупно шест бели лавови, вклучувајќи ги двете новороденчиња.

"Гледам бели лавови за прв пат. Тие се многу слатки, неверојатно е. Различни се од обичните лавови. Имаат розови шепи и носеви. Крзното е плишано бело како овца", изјави возбудено 13-годишниот Јан, кој ја посети зоолошката градина, за да ги види новите жители.

Во моментов малите лавчиња се одвоени од своето семејство, затоа што се премногу ранливи. Се хранат со специјално млеко во прав, а кога ќе наполнат седум месеци ќе се запознаат и со останатите лавови од нивниот вид.