Хери Роузен има 103 години, но возраста ни најмалку не го попречува да живее исполнет живот...



Многу луѓе би му завидувале, а се разбира најмногу неговите врсници, кои би сакале да дочекаат старост како неговата.

Откако починала неговата сопруга Лилиен, Хери секоја вечер излегува во ресторани низ Менхетн и ужива со убави оброци. Најчесто нарачува риба и започнува разговор со гостите.

„Им раскажувам дека живеам во стан во Менхетн, и кажувам дека имам 90 години. Не сакам да ја кажам вистината, затоа што така ќе предизвикам лавина на прашања, за кои не сум расположен. Освен тоа, не сакам да привлечам внимание“, изјавил Роузен за "Њујорк тајмс".

Овој старец со млад дух, роден во Украина, ја преживеал револуцијата, а во Америка се населил без ништо.

„Храна ме прави среќен, тоа е моја терапија што ми помага да продолжам понатаму“, рекол шармантниот дедо.

Неговата долговечност е поради спиењето на грб и вели дека му недостасува само друштво за време на вечерата.

„Би сакал да пронајдам нова љубов. Се уште имам волја, желбите и соништата ме одржуваат во живот“, вели Хери, кој од неодамна раскинал 6-месечна врска со 90-годишничка, која ја сретнал во синагогата.