Откако актерката Анџелина Џоли се подложи на двојна мастектомија пред неколку месеци, се откри дека и пејачката Анастасија ја претрпе истата постапка. На Анастасија и беше дијагностициран рак на дојка за втор пат, соопштува британскиот весник "Дејли мејл"...

45-годишната пејачка сподели со своите обожаватели дека подложила на операција, но во моментов веќе се опоравува.

Мастектомија е отстранување на ткиво од градата. Во некои случаи доаѓа до целосно отстранување.

Бидејќи октомври е светски месец за борба против ракот на дојката, пејачката сакала да ја поддржи каузата, особено блиска до нејзиното срце.

Таа најави дека во моментов е во завршна фаза на опоравување по операцијата.

"Се чувствувам добро и сум подготвена да го продолжам следното поглавје од својот живот", изјави Анастасија.

"Раното откривање на болеста го спаси мојот живот два пати. Ќе продолжам да се борам", рече таа, повикувајќи ги сите кои се соочуваат со оваа болест, да дадат поддршка еден на друг.

На Анастасија и беше дијагностицирана рак на дојка во 2003 година. Таа се оперира и подложи на хемотерапија. Потоа болеста повторно се врати.

Оваа година и актерката Анџелина Џоли сe одлучи да подложи на мастектомија, откако лекарите откриле дека постои голема опасност да се развие рак на дојка.