Шведска е најдобра земја за живот на постари лица, следуваат Норвешка и Германија, покажале резултатите од истражувањето кое го спровела организацијата "Hellpage Interantional"...
Меѓу првите десет земји се и Холандија, Канада, Швајцарија, Нов Зеланд, САД, Исланд и Јапонија, а следуваат Австрија, Ирска, Велика Британија и Австралија, додека на последно, 91 место е Авганистан.
Франција е на 18 место, Словенија на 20, Албанија на 39 пред Унгарија и Хрватска, додека Бугарија и Романија се на 47 и 48 место, а Цргна Гора на 83.
Критериумите на основа на кои е направена листата се: висината не пензиите, БДП на земјата, здравствената заштита, просечниот животен век, сообраќајните врски, можноста за учество во разни активности, како образование или вработување, како и граѓански слободи и безбедност.
Ова истражување спроведено по повод 1 Октомври, Меѓународен ден на старите, покажало и дека за 10 години бројот на старите луѓе ќе биде поголем од милијарда, а до 2050 година ќе биде 2 милијарди, речиси 10 пати повеќе отколку во 1950 година.
Бројот на стари од 60 години во 2000 година прв пат е бил поголем од бројот на деца помлади од 5 години, а се очекува дека до 2050 година бројот на стари ќе биде поголем од бројот на деца помлади од 15 години.
Од 193 земји, индексот опфатил 91 земја, во кои живеат 89% од светската популација на постари од 60 години.
