Дали знаете дека секоја искористена батерија содржи уште најмалку 400 mAh сила во себе, што е четвртина од капацитетот на просечна смартфон батерија денес?...

Електронскиот отпат е се поголем проблем на модерното општество, затоа што, освен што голем број уреди сеуште содржат куп штетни материи и супстенци кои се штетни за човечкото здравје, тој отпад се собира со неверојатна брзина што практично не може да се измери.

Батриите, алкални и оние обичните се посебно проблематични, затоа што се потенцијална опасност и по здравјето и по безбедноста на луѓето, па нивното одложување после употреба е посебно пропишано.

За на жителите на Тајланд да им го привлечат вниманието на се поголемиот проблем со одлагање и рециклирање на батериите, тамошна компанија, која се занимава со производство на млеко од соја, инвестирала во општествено корисен проект, кој би требало да го подигне нивото на свест за искористување на старите батерии и нивното рециклирање.

Од 1.500 искористени батерии е направен ѕид, кој е дел од проектот "Потрошени батерии за испразнети батерии", како и своевиден џиновски полнач за мобилен телефон.

Според истражувањата, секоја потрошена батерија содржи уште најмалку 400 mAh сила, која преку овој ѕид на корисниците кои ги полнеле батериите на своите смартфони им обезбедила уште преку 3.320 часа разговор.

Сите собрани батерии се адекватно искористени, а потоа рециклирани.