Дали зомби, кое ќе ве застане на улица, ќе успее да ве убеди да ги оставите цигарите?...

Одите на работа, на факултет, на прошетка, а на улица ве застанува зомби? Глумците кои учествувале во кампањата против пушењето, претворени во зомби, ги застанувале граѓаните на Лондон сликовите презентирајќи им ги последиците од пушењето.

Повеќе од 30 глумци носеле маски слични на оние за "Ноќ на вештерките", за на сликовит и впечатлив начин да им претстават на луѓето како пушењето влијае на нив и промовирале здрав начин на живот, во кампањата која ја покренал "Helth Express".

"Со откажување од пушењето значително ќе го подобрите своите здравје и ќе живеете подолго", рекол за британското "Metro" еден од учесниците во кампањата.

"Кога ќе престанете да конзумирате цигари, вашата кожа повторно ќе добие природна боја, нема да биде сива и оштетена. Вашите сетила ќе се подобрат и подобро ќе го чувствувате вкусот на храната и пијалоците, без горкиот вкус кој цигарите го оставаат во вашата уста".

Освен тоа, ќе заштедите пари, велат покренувачите на оваа кампања, и личната хигиена ќе биде подобра, затоа што пушењето често е примерок за непријатен здив, пожолтени заби и нокти...