Со ладното време и доаѓањето на есента многумина од нас ги зафаќа т.н. есенска депресија...

Да дефинираме веднаш дека не се работи за вистинска депресија, туку за меланколична состојба во која паѓаме пред се поради тоа што деновите се пократки и сме осудени на се помалку сончева светлина. За паѓање на расположението допринесува и сеќавањето на годишниот одмор кога не мораме да одиме на работа, да стануваме рано наутро и да се справуваме со сите обврски кои ги имаме денес.

Освен психолошките фактори, овде се и физиолошките. Мелатонинот е хормон кој реагира на ритамот на организмот и на мозокот му праќа сигнал кога е време за спиење. Кога е мрачно, телото го произведува повеќе, а кога е светло помалку, што резултира со намалена енергија и поспаност.

Повеќе светлина
Наместо лежењето на кауч, од есенската меланколија обидете се да се извлечете со поминување на што е можно повеќе време на отворено затоа што сонцето и низ облаците дава доволно енергија за потикнување на работата на мелатонинот и серотинот. Во просториите во кои престојувате (дома или на работа) пропуштете што е можно повеќе сончева светлина.

Вежбање
Оддамна е познато дека со вежбањето се крева нивото на сероитнот и неуротрансмитерот допамин кои се важни за добро расположение. Вежбајте кога и да имате прилика, по можност секој ден, планинарете, одете на излет, или само шетајте.

Атмосфера
Слушајте динамична музика која го крева расположението и окружете се со интензивни, на пр. цитрусови мириси кои будат енергија. За добар почеток на денот истуширајте се или намачкајте го телото со лосион во кој цитрусов мирис кој веднаш ќе ве штипне за нос и ќе ве разбуди.