Куќата во која израснал вокалистот на рок групата "Нирвана" Курт Кобејн, се продава за половина милион долари...

Одлуката за продажба на куќата во Вашингтон е на мајката на музичарот Венди О`Конор.

"Чувствувам измешани чувства, бидејќи ја сакам оваа куќа, но се преселивме и време е да се каже збогум на ова место", раскажува сестрата на пејачот, Ким.

Нејзиното семејство се надева дека идниот сопственик на куќата да ја претвори во музеј во спомен на Курт Кобејн.

Куќата е изградена во 1923 година, а родителите на Кобејн ја купиле во 1969 година Токму таму тој почнува да свири на гитара и да создава музика. Апликациите за купување ќе се примаат од 30 септември.