Пубертетот завршува на 25 годишна возраст, тврдат британски психолози. Според детскиот психолог Лаверн Антробус, идејата дека човек станува возрасен на 18 години не одговара на реалноста...

Порано се сметаше дека мозокот се формира целосно во адолесценцијата, но во пракса тој развој продолжува до 25-30 години. Во тоа време шемата за обработка на информации во мозокот силно се менува. Тоа е важно од гледна точка на размислување, планирање, решавање на проблеми и разбирање. Мозокот се реорганизира и затоа човек користи различни стратегии на размислување.

Најважните промени се случуваат во префронталната кора на мозокот. Досега се сметаше дека развојот на мозокот престанува на 18-та година, но истражувањата покажуваат дека дури и во подоцнежниот период когнитивниот развој продолжува. И додека префронталната кора не се развие целосно, човекот ќе ја менуваат емоционалната зрелост, самодоверба и размислувањето. Паралелно со овие промени се случуваат и хормонални промени.

Според некои експерти, сепак, дадениот феномен е дел од културата на инфантилизмот. Луѓето се почесто и повеќе зависат од родителите, по различни социјални и културни причини, и тешко почнуваат да покажат зрел однос кон светот. Пример за тоа е гледањето на детски филмови од страна на возрасни.