Ако се придржувате кон некој ригорозен режим на исхрана, размислете уште еднаш. Имено, диетите можеби ни помагаат да го намалиме вишокот килограми, но последните истражувања покажале и дека го намалуваат капацитетот на мозокот, односно дека не прават поглупави...

Опсесивното броење на калории и постојаните обиди да ја потиснеме желбата за храна може да го оштетат мозокот и да остават многу малку простор во него за размислување за други работи, смета професорот по економија на Харвард,  Sendhil Multaintan. Затоа, дозволете си себе си да изедете и нешто "забрането" .

Multaintan објаснил дека изгладнувањето негативно влијае на нашата способност на правилен начин да ги извршуваме задачите, логички да размислуваме, да решаваме проблеми и обработуваме нови информации, односно да ги извршуваме секојдневните активности.

Истражувањето покажало дека луѓето кои држат ригорозни диети се помалку способни за извршување на тие активности од оние во чија исхрана е вклучена чоколадата. Учесниците во студијата кои јаделе чоколадо, лесно продолжувале со работа и секојдневните обврски, додека оние кои биле на диета постојано размислувале за тоа колку калории чоколадото има, "борејќи" се со себе да не ја изедат. Поради тоа концентрацијата им опаднала, а како последица на тоа, лошо ги извршувале вообичаените задачи.

Затоа, научниците сметаат, диетите кои не бараат премногу да се размислува за нив, кои не се ригорозни и комплексни, имаат подобри ефекти и луѓето полесно и подолго се придржуваат кон нив.