Британката Сара Аутен стана првата жена која сама во чамец пловела од Јапонија до Алјаска кога во понеделник касно навечер стаса на Алеутските острови после 150 дена на море...

"Ова беа едни од најитензивните и највепчатливите месеци во мојот живот. Истовремено беше сјајно и брутално", навела Аутен (28) во соопштението.

Аутен своето успешно патување го прославила со шампањско во Адаку (Алјаска), каде ја пречеле локалните жители, што воедно било и нејзина прва средба со луѓе после речиси пет месеци.

Таа ја напуштила Јапонија на 27 април и превеслала 6.034 километри. Патувањето е дел од нејзиниот план да го обиколи светот со велосипед и кајак.

Во текот на патувањето се борела со немирното море, студот и мракот, а нејзиниот брод се пребрнал пет пати. Еднаш за малку не се изгубила во маглата, а пред крајот на патувањето халуцинирала од исцрпеност.

Храбрата жена вели дека глетките како албатрос и китовите ги надоместиле сите пречки со кои се сретнала, па дури и стравот од ајкула која кружела околу нејзиниот брод.

Таа во текот на патувањето "успеала" да се вери, наводно во сред океан, преку сателитски телефон.

Сара поради лошото време се согласила да стаса во Алјаска, а не во Канада како што имала план. Сепак, следната година планира да се врати во Адак, за со кајак да го продолжи патувањето низ Алјаска. Потоа со велосипед ќе ги помине Канада и Северна Америка пред повторно сама да се качи на кајакот и да го помине Атлантскиот океан и да пристигне во Велика Британија.

Нејзиниот прв обид пропаднал во 2012 година поради тропската бура. Аутен е инаку најмладата личност и првата жена која сама го превеслала Индискиот океан во 2009 година кога од Австралија стигнала во Маурициус.