Баш кога помисливте дека веќе се имате слушнато, во Њујорк се отвара школа во која најмалите ќе учат како да бидат ди-џеи...

Не е предвидено дека децата ќе станат светски ДЈ ѕвезди, туку стекнатото знаење би требало да им помогне да ги развијат моторичките способности со помош на миксета.

Овој проект го започнала ДЈ композиторот Натали Елизабет Вајс. Иако до сега не работела со мали, Вајс има искуство со деца, со оглед на тоа дека била наставничка во едно училиште.

"Разликата меѓу слушањето Моцарт и електронска музика е тоа што не можеш да го земеш челото во раце кога имаш три месеци, но можеш да работиш на миксета", објаснила Вајс.

На курсот, кој ќе трае осум недели, таа во термини од 45 минути, шест деца помали од три години ќе ги учи како да миксаат музика.

Натали Вајс тврди дека на своите часови на децата не им излага музика која може лошо да влијае на нивното воспитување, што го потврдиле и родителите кои за овој курс издвојуваат дури 200 долари.