Некогаш богатите биле погребувани заедно со нивните омилени коњи (и наложници), за да можат да ги јаваат и во задгробниот живот. Овие денови бразилски милионер од Сао Паоло ја оживеа традицијата, објавувајќи дека има намера да го закопа своето Бентли...
Откако гледал документарна серија за древниот Египет, богаташот дошол до заклучок дека задгробниот свет сепак постои.
Затоа тој решил да го погреба омилено Бентли, за да може да го вози и откако ќе умре. Ексцентричниот бразилец дури ја објави на страница на Фејсбук огромната дупка во дворот на куќата, која ќе послужи како гроб на луксузното возило.
Кинез пак организираше свечен погреб на уништеното порше од сообраќајна несреќа. Хао Ган го стори тоа, сепак, не затоа што очекува автомобилот да продолжи да му служи и откако умре. Мотивот му е сосема поинаков: "Не се потпирајте премногу на луксузните автомобили! Тие исто така добиваат дефекти".
"Бев многу среќен кога успеав да си купам Порше Каиен. Но, во наjпотребниот момент сопирачките на колата откажаа и со жена ми само што не загинавме. Затоа го погребав - за да ги предупредам другите што може да им се случи".
