Кога мирисот на печени костени се шири низ главниот гратски плоштад, значи дека летото заврши, без оглед на тоа некои и понатаму шетаат по кратки ракави...

Не само што е вкусен, костенот е и здрав. Има висока енергетска вредност, содржи многу скроб малку шеќер и само 2%масти, и еден од сите јаткасти плодови кои содржи витамин Ц.

Ботаничарите костенот го вбројуваат во овошје, но поради начинот и местото на раст спаѓа во шумски дрвја.

Татковина на овој весник на есента е Азија, а наводно персијските аристократи своите деца ги храниле со костени за да не им ја зголемат тежината.

Од едно стебло се добиваат околу 200 килограми плод, а дрвото може да опстане и повеќе од пет века.

Во кулинарството се користат два вида костени: oбични и марони.

Една од најстарите примени на костенот било сушење и мелење брашно од кое се правело леб, но и разни други јадења.

При купување на костени обратете внимание на тоа плодот да биде крупен, сјаен, без дупки на лушпата. Кога го лупите пазете да не го исечете плодот, а внатрешната кора се лупи после приготвување.

Ако сакате печени костени, измијте ги, исушете, засечете ја кората и ставете ги во плех во жешка рерна. Полесно се лупат додека се топли, но внимавајте да не се изгорите.