Несаканите ефекти на стареењето се многубројни, но новото истражување ги покажа оние кои шират најмногу страв кај младите...

Мажите во Велика Британија се плашат повеќе од ќелавост, отколку од импотенција. 2000 претставници на посилниот пол биле испрашувани за нивните најголеми стравови поврзани со напредувањето на возраста, и се покажало дека голата глава е на прво место.

Следат импотенцијата, лошиот здив, качувањето на килограми во средната возраст и потребата од дебели очила.

94% од анкетираните мажи изјавиле дека се загрижени поради ќелавост спрема 89% кои рекле дека импотенцијата е нивната најголема загриженост.

Британските мажи требало да одговорат од кои аспекти на стареењето се плашат најмногу.

60% се плашат од губење на заби, една третина биле преплашени од оглушување, 24% се плашеле од лош здив, а 64% се загрижени дека ќе се здебелат. 75% од испитаниците се плашеле од седа коса, а 45% - од потребата за дебели очила.