Жителка на американската сојузна држава Невада доби писмо од својот татко, кој загинал за време на Втората светска војна, речиси 70 години по испораката, соопшти телевизијата Foks News...

Пеги Едингтон-Смит е родена малку пред нејзиниот татко Џон Едингтон да загине како војник во Италија во јуни 1944 година. Таа никогаш не го видела. Непосредно пред неговата смрт тој и напишал писмо од три страни на ќерка си, што сепак не дошло до примачот. Пред 14 години жителка на Мисури го нашла писмото, додека ја чистела куќата на свои роднини. Foks News не наведува како писмото се нашло во таа куќа. Се знае само дека пред да замине во војна, Едингтон живеел и во Мисури.

Во саботата во Дејтон, Невада, се одржа специјална церемонија, за време на која беше врачено предметното писмо на г-ѓа Едингтон-Смит, како и медалот на нејзиниот татко "Пурпурно срце", кој се доделува на американските војници кои загинале или биле повредени во битка.

Во писмото Едингтон пишува дека ја сака неговата ќерка и нејзината мајка. Едингтон-Смит, која сега е 69-годишна жена, рече дека откако го прочитала писмото, се чувствува поблиску до татка си.