Луѓето кои имаат проблеми со спиењето, треба да се префрлат на волнени ќебиња, утврди австралиско истражување...

Волнените влакна апсорбираат влага, вклучувајќи пот и му олеснува телото да ја регулира температурата, а тоа води до попријатен ноќен сон. Потта која луѓето ја испуштаат секоја ноќ е еднаква на еден литар вода и тоа количество не може да биде апсорбирано од синтетичките материјали кои се користат често во теписите и покривките.

Како резултат на тоа, луѓето кои користат слични покривачи, е поверојатно да доживеат непријатна жештина. Научниците од Универзитетот во Сиднеј замолиле осум доброволци да спијат во волнени, памучни и синтетички постелнини и ќебиња на три различни температури.

Тие открија дека особено кога во спалната соба им е жешко, луѓето спијат подолго и подлабоко, користејќи волнена постелнина.

"Со промена на климата се менуваат и традиционалните душеци и ќебиња како полиестер или пена, тие треба да се менуваат според сезоната, но волната се прилагодува. Таа е многу флексибилна при работата со телото и ако има двајца во кревет, ќе се приспособи кон температурата на секој човек. Партнерите често спијат на две сосема различни температури - едната многу топла, а другата многу ладна, и никогаш не наоѓаат вистинско решение за постелнината. Волната е единственото нешто што дава резултат", изјави Крис Татерсол, генерален директор на компанијата Џа Вул рум.